فەرماندەی فەرماندەی ناوەندی ئامریکا ناسریاگ وە سنتکام وە بڵاو کردن دیمەنێگ, نووترین زانیاری لە باوەت هێرش ئەڕا سەر ئێران خستە وەرباس.
برد کۆپر وەتیە: فرەتر وە ٥٠ هەزار هێز نزامی، ٢٠٠ جەنگەندە، ٢ ناو هەواپەیمابەر و بۆمب ئەفکەنەیلێگ لە قەڵەمڕو ئامریکا لە ئی ئەمەڵیاتە بەشدارن و هێز فرەتریش لە رێیە.
ئەو وە ئعلام ئیە ک فرەتر وە ١٠٠ ساعەت لە ئەمەڵیات گوزەریاس و هێرش کریاسە سەر فرەتر وە ٢ هەزار ئاماج، وەتیە: پەدافەندەیل هەوایی ئێران وە قورسی لەکار خریاس و سەدان لانچر مویشەک بالستیک و پەهپاد ئەوان لە بەین بریاس.
کۆپر وە خستنە وەرباس ئیە ک بۆمبئەفکەنەیل بی٢، بی١ و بی٥٢ لە هێرشەگان بەشدار بینە، وەتیە: لە ئیانە ئەڕا هێرش وە تەسیسات مویشەکی لە قویلایی زەوی ئستفادە کردیاس.
فەرماندەی سنتکام، ئاماج ئامریکا لەبەین بردن گشت هێز دەریایی ئێران ناو برد و ئزافە کرد: تا ئیسە ١٧ کەشتی لەوانە خاسترین ژێردەریای ئێران کریاسە ئاماج. تەنانەت ئمڕووژ کەشتێگ ئێرانی لە خەلیج، تەنگەی هورموز و خەلیج عومان نیە.
هەلێوا ئەڕا یەکم جار لە دەرگیرێگ لە مویشەک دویربورد دەقیق “پڕ-ئس-ئم” ئستفادە کریاس.
برەد کۆپر فەرماندەی سنتکام لە ئاخر قسەکانێ وە ئعلام ئیەیگە ئەوان پەهپادەیل ئێرانی بردنەسە ئامریکا، گەشەی دانە و ئیسە ڕوی وە خوەیان ئستفادە کریاس، وەتیە: ئەڕا یەکم جار پەهپاد ئنتحاری لە لایەن هێزەیل ئامریکایی ئستفادە کریاس ک تەراحی ئەوە لە پەهپادەیل شاهد ئێرانی گیریاس.
