ڕژیم ئێران هاتن و چیێن مەردم شار کامیاران لە ڕێ ئیست بازرسیەیل کونتروڵ کەید و لە پاڵ ئەوە دێرێد مەسجد کەیدە شوون هێز نزامی.
لە ناو چەن ڕووژ ویەردە، هێزەیل سپاهـ پاسدارەیل لە گشت ورودیەیل شار کامیاران لە شارەیل ڕەوانسەر، سەوڵاوا، کرماشان و سنە، دەس کردیەسە دانایێن ئیست بازرسی و بێجگە وشکانن ماشینەیل مەردم، گوشیەیل موبایل ئەوانیش کونترول کەید.
هەلێوا سپاه پاسدارەیل ژمارێگ لە پایگایەیل خوەی لە کویەسان شاهۆ چووڵ کردیە و هێزەیل ئەو پایگایەیلە، لە ناو مەسجدەیل پاڵ کویەی شاهوو جێگر کردیە.
شاروەندەیل نیشتەجێ لە ئی ئاواییەیلە، وە جێگر بیێن هێزەیل نزامی لە ناو مەسجدەیل ناڕەزایەتی نیشان دانە و ئعلام وەتنە، ئی کارە گیان شاروەندەیل غەیر نزامی خەیدە خەتەر.
