کوردستان

هونەرمەندانی پاوەیی چالاکییە هونەرییەکانیان لە پارێزگای کرماشان ڕادەگرن

ژمارەیەک لە هونەرمەندانی خەڵکی پاوە لە رۆژهەڵاتی کوردستان وەک کاردانەوەیەک لە دژی سانسۆڕ و گوشارەکانی سەریان چالاکییە هونەرییەکانیان لە پارێزگای کرماشان ڕادەگرن.

ژمارەیەک لە هونەرمەندانی خەڵکی پاوە وەک کاردانەوەیەک دژی داخستنی هەموو چالاکییە هونەرییەکان لە شارەکەیان لە لایەن کاربەدەستانەوە ڕایدەگەینن، بەشداری هیچ چالاکیێکی هونەری لە پارێزگای کرماشان ناکەن.

بەپێی بەیاننامەکە، کاربەدەستانی دەوڵەت لە کرماشان بڕیاری ڕاگرتنی هەموو چالاکییە هونەرییەکان بە تایبەت هونەری کوردی-یان دەرکردووە و لەو چوارچێوەیەدا ناوەندە هونەرییەکانی هەورام، ئەنجومەنی هونەری گرینکە، نەسیمی هەورامان و سێ ناوەندی موزیک داخراون.

هونەرمەندانی پاوەیی ئەو بڕیارە وەک هەوڵێکی نایاسایی بۆ سڕینەوە و لە ناوبردنی هونەر و کلتور و زمانی کوردی بە ناو دەکەن.

هونەرمەندانی پاوەیی و موزیک ژەنەکانی ئەو شارە دەلێن، بڕیارەکەی ئیرشاد بۆ داخستنی ناوەندە هونەرییەکان، “ئۆرکێستی فیلارمونیک”ی شارەکەش دەگرێتەوە و لەو بارەیەوە ڕخنە لە بێ هەڵوێستی ئەنجومەنی موسیقی ئیران و ناوەندە پەیوەندیدارەکان دەگرن.

ئه‌مانه‌ش ببینه‌