کوردستان

پارێزەرانی ئەورووپا بۆ دیموکراسی و مافی مرۆڤ داوای کاردانەوە لە سی پی تی دەکات

ئەنجومەنی پارێزەرانی ئەورووپی بۆ دیموکراسی و مافی مرۆڤ، نامەیەکی تایبەتی بۆ کۆمیتەی پێشگرتن لە ئەشكەنجەی سەر بە یەکێتی ئەورووپا نارد و تێدا داوای ناردنی شاندی سی پی تی بۆ ئیمرالی دەکات.

لە نامەکەی ئەنجومەنی پارێزەرانی ئەورووپادا ئاماژە بە پێشێلکردنی مافی گیراوانی سیاسی لە گرتووخانەی ئیمرالی و دۆخی عەبدوڵا ئۆجالان ڕێبەری گەلی کورد کراوە و هاتووە، گۆشەگیری لە ئیمرالی نایاسییە و ساڵانێکە بەردەوامە.

تۆماس شمیدت، بریکاری گشتی ئەنجوومەنی پارێزەرانی ئەورووپی بۆ دیموکراسی و مافی مرۆڤ لە وتوێژێکدا لە گەڵ ئاژانسی هەواڵی فورات، سەبارەت بە نامەکەیان قسەی کرد و وتی: لە ئیمرالی مافی مرۆڤ پێشێل کراوە.ئەوان بە دواداچوونیان بۆ دۆخی گیراوانی سیاسی لە ئیمرالی کردووە.

شمیدت بە پیویستی دەزانێت لەو بارەیەوە ناوەندە پەیوەندییدارەکانی جیهانی هەڵوێستیان هەبێت و دەلێت، گۆشەگیری لە ئیمرالی پێشێلکردنی یاسا نێونەتەوەیەکان و خاڵەکەکانی جاڕنامەی مافی مرۆڤە.

ئەو پارێزەرە ئەوروپییە وتی، لە نامەکەیاندا داوای کاردانەوەیان لە سی پی تی کردووە کە دەبێت شاندێک بنێرێتە ئیمرالی و ڕاپۆرتێک تایبەت بە دۆخی ئیمرالی بڵاو بکاتەوە.

زیاتر لە سالێکە هیچ زانیاریەک لە سەر دۆخی تەندرۆستی ڕێبەر ئۆجالان و سێ گیراوی دیکەی سیاسی دۆزی پەکەکە لە ئیمرالی نازانرێت.

ئه‌مانه‌ش ببینه‌