کوردستان

پەنابەرێکی خەڵکی ڕۆژهەڵاتی کوردستان لە پایتەختی ئەفغانستان تیرۆر کرا

چالاکوانانی مەدەنی ئەفغانستان بڵاویان کردووەتەوە، دوێنی شەممە ٢ی بەفرانباری ١٤٠٠، دەستوپەیوەندەکانی ڕژێمی ئێران لە کابول پایتخەتی ئەفغانستان پەنابەرێکی کوردی خەڵکی پاوەیان تیرۆر کردوە.

ناسنامەی ئەو هاوڵاتییە کوردە،”سەعدی خالدی” ڕاگەیەندراوە و پێشتریش بۆ خۆی ئاشکرای کردبوو کە دوو جار لەلایەن ئێرانەوە هەوڵی کوشتنی دراوە.

خالدی، ساڵەکانی سەرەتای هاتنە سەر کاری ڕژێمی مەلاکان لە ئێران لە گەڵ بنەماڵەکەی پەنابەری وڵاتی ئەفغانستان دەبێت و لە ساڵانی ڕابردوودا مافی هاوڵاتی بوونی ئەفغانستانی پێدرا بوو.

بەپێی هەواڵی چالاکوانانی ئەفغانستانی لە توڕە کۆمەڵایەتییەکان دوێنی ئێوارە دەستوپەیوەندەکانی ڕژێم بە پیلانێک دەیبەنە ناوەڕاستی شاری کابول و لەوێ تیرۆری دەکەن.

ئه‌مانه‌ش ببینه‌