جیهان

دژی بە کارهێنای چەکی کیمیایی لە لایەن تورکیاوە کەمپەینی واژۆکۆکردنەوە ڕاگەیندرا

کۆنفیدراسیۆنی کۆمەڵگەی کوردستانی لە ئەڵمانیا وەک کاردانەوەیک لە بەرانبەر بەکارهێنانی چەکی کیمایی لە لایەن سوپای داگیرکەری تورکیا و بێ دەنگی وڵاتانی ئەوروپایی ئەڵمانیا،کەمپەینی واژۆکۆکردنەوەی رێکخستووە.

کۆنفیدراسیۆنی کۆمەڵگەی کوردستانیی لە ئەڵمانیا بە ڕاگەیەندراوێک سەرنجی خستووەتە سەر هێرشەکانی دەوڵەتی داگیرکەری تورکیا وبەکارهێنانی چەکی کیمیایی لە باشووری کوردستان و لە هەرێمەکانی پاراستنی مەدیا و کەمپەینێکی واژۆکۆکردنەوەی دژ بەو هێرشانە ڕاگەیاندووە.

لە ڕاگەیەندراوەکەدا ئەوە هاتووە، چالاکییەکە لە دژی هێرشەکانی دەوڵەتی تورک بە چەکی کیمیایی و هەمیش لە بەرامبەر بێدەنگی هێزە نێودەوڵەتییەکان و تایبەت حکومەتی ئەڵمانیا دەستی پێکردووە.

کۆنفیدراسیۆنی کۆمەڵگەی کوردستانی لە ئەڵمانیا بانگەوازییەک دەکات و دەلێت: ئێمە داوا لە کوردستانیان لە ئەڵمانیا، ئەنجوومەن و فیدراسیۆن، گەلانی دیموکراتیک و شۆڕشگێر دەکەین، بەشداری ئەم کەمپەینە ببن و ناڕەزایەتی خۆتان لە بەرامبەر هێرشی کیمیایی نیشان بدەن.

کۆنفیدراسیۆنەکە داوایشی لە حکومەتی ئەڵمانیا کرد هەڵوێست بنوێنێت، هاوکات داوا لە ڕێکخراوی قەدەغەکردنی چەکی کیمیایی دەکات، لێکۆڵینەوە لە بەکارهێنانی چەکی کیمیایی لەلایەن دەوڵەتی تورکەوە بکەن.

ئه‌مانه‌ش ببینه‌