کوردستان

هەفتەی سێیەمی چالاکیی بۆ ئاشکراکردنی بکوژانی شوکری سەرحەد بەڕێوەچوو

لە شاری سلێمانی، کۆمیتەی خانەوادەی شەهیدانی پەکەکە، لەبارەی ئاشکراکردنی بکەرانی تیرۆری شوکری سەرحەد، داوا لە دەزگا ئەمنییەکان دەکەن ڕوون کردنەوە بۆ ڕایگشتی بدرێت.

ئەمڕۆ لە سێیەمین هەفتە دا، لە شاری سلێمانی چالاکی گردبونەوە لە شوێنی تیرۆرکردنی شەهید، یاسین بوڵوت، ناسراوبە شوکری سەرحەد، ئەندامی کۆمیتەی خانەوادەی شەهیدانی پەکەکە لە باشوری کوردستان،بەڕێوەچوو.

ژمارەیەک لە کەسوکاری شەهیدان و هاوڵاتیان و چالاکوانان، لە درێژەی چالاکییەکان دا گردبونەوە.

لە چالاکیەدا، ئەندامی کۆمیتەی خانەوادەی شەهیدانی پەکەکەلە باشور، ئامانج حەمەڕەش، وتی، وەک کۆمیتەی خانەوادەی شەهیدانی پەکەکە لە باشور، ئەوە دووپات دەکەینەوە تاکو بکوژانی هاوڕێمان شەهید شوکری سەرحەد ئاشکرا دەکرێن چالاکییەکانمان بەردەوام دەبێت و هەموو هەفتەیەک لێرە دەبین.

هەروەها بێدەنگی و بێ هەوڵویستی دەزگا ئەمنییەکان و لایەنە پەیوەندیدارەکان شەرمەزاردەکەن.

کۆمیتەی خانەوادەی شەهیدا، پێشتریش داوایکردبوو بەڵگەکان بۆ ڕایگشتی بخرێنە ڕوو، بەڵام ٣٧ ڕۆژ بەسەرتیرۆرکردنی شەهید شوکری سەرحەد دا تێدەپەڕێت دەزگا ئەمنیەکان هیچ وەڵامێکیان نەبوە و ڕوونکردنەوەشیان بڵاونەکردۆتەوە.

کۆمیتەی خانەوادەی شەهیدان، دەشڵێن گومانمان بۆ دروستبوە کە دەزگا ئەمنییەکان و حکومەتی هەرێم بێخەمییەیان بۆ چەواشەکردنی بەڵگەکان بێت.

لە چالاکییەکەدا لە شوێنی تیرۆرکردنی شەهید شوکری سەرحەد گوڵ دانرا و بە ووتنەوەی دروشمی شەهیدنامرێت چالاکی ئەم هەفتەیە کۆتایی پێهات.

لە بەیانی ڕۆژی ١٧ی سێپتەمەبەر دا، لە شەقامی سەرەکی گەڕەکی چوراچرای شاری سلێمانی لە هێرشێکی چەکداری میتی تورکیادا، یاسین بوڵوت،ناسراو بە شوکری سەرحەد، شەهیدکرا و تا ئێستا بکەرانی ئەو تاوانە دەستگیرنەکراون.

ئه‌مانه‌ش ببینه‌