ژن

گەریلاکانی یەژئاستار لە هەرێمی هەفتانین زەبری گەورەیان لە داگیرکەران دا

لە هەرێمەکانی هەفتانین و وەرخەلێ بەرخۆدانی مێژوویی گەریلا دژی داگیرکەران بەردەوامە و گەریلاکانی یەژئاستار سنەگەر و مۆڵگەکانی داگیرکەرانیان بەتەواوی تێکشکاند.

ئەمڕۆ، ناوەندی ڕاگەیاندن و چاپەمەنی هێزەکانی پاراستنی گەل،هەپەگە، لەبارەی بەرخۆدانی گەریلا و هێرش و داگیرکارییەکانی دەوڵەتی تورکیا ڕاگەیەندراوێکی بۆ ڕایگشتی بڵاوکردەوە.

لەڕاگەیەندراوەکەدا هاتوە: لەچوارچێوەی هەنگاوی شۆڕشگێڕی جەنگی خابور و بازەکانی زاگرۆس دا، ڕۆژی ٣ی مانگ، لە گردی کۆردینەی هەرێمی هەفتانین، گەریلاکانی یەژئاستار، بەچەکی قورس چالاکیان ئەنجام داوە و مۆڵگەیەکی داگیرکەران بەتەواوی ڕوخێندرا و گورزی گران بەر داگیرکەران کەوتوە.

دوێنێش لە چالاکیەکی تردا لە گردی ئازاد لە هەرێمی مەتینا کامێرایەکی چاودێری پێشکەوتوی سوپای داگیرکەری تورکیا لەلایەن ژنە گەریلاکانەوە دەستی بەسەردا گیرا.

هاوکات لە مەیدانی وەرخەلێ لە هەرێمی ئاڤاشین، گەریلاکانی یەژئاستار لەچالاکیەکی تردا گورزیان لەداگیرکەرانداوە.

ئەمڕۆ پێنجی مانگ لە گردی مەرڤانۆس گەریلا لە چالاکیەکی دا گورزی گرانی لەداگیرکەران داو تا ئێستا ژمارەی کوژرا و بریندرانی داگیرکەر بە تەواوی نەزانراوە.

لە ڕاگەیەندراوەکەدا هەپەگە ئاماژە بەوەدەدات، لەکاتە جیاوازەکانی ڕۆژانی دوێنێ و پێرێ دا، تۆپخانە و فڕۆکە جەنگییەکانی دەوڵەتی داگیرکەری تورکیا وەرخەلێ، هەرێمی مەتینا، هەرێمی ئاڤاشین و هەرێمی زاپیان بۆردومان کردوە و زیانی زۆریان گەیاندوە بەسروشت و ژینگەی ناوچەکە و ئاگری هەندێک ناوچەی ئەو بۆردومانانە هێشتا نەکوژاوەتەوە.

ئه‌مانه‌ش ببینه‌