ئێران

سەبارەت بە بڵاوبونەوەی کۆرۆنا داوای لێپرسینەوە لە کاربەدەستانی رژیمی ئێران دەکرێت

ژمارەیەک چالاکی مەدەنی نامەیەکیان ئاراستەی کۆمیساریای باڵای مافی مرۆڤی رێکخراوی نەتەوە یەکگرتوەکان کردوە و داواکارن کە سەبارەت بە دەستەوەستانی کاربەدەستانی ڕژیم لەهەمەبەر ڤایروسی کۆرۆنا هەڵۆێست بگرن.

چالاکانی مەدەنی ئاماژەیان بەوەداوە کە، خەمساردی و نابەرپرسیارەتی کاربەدستانی ڕژیم لەهەمبەر کۆمەڵگە وایکردوە کە ژیانی سەدان هاوڵاتی بکەوێتە مەترسیەوە و هەزاران کەس لەبەر نەبونی پێداویستی چارەسەری و پێڕانەگەیشتن گیانیان لەدەست داوە.

ئەو چالاکانە نوسیویانە، لەسەر بڕیاری ڕیبەری نیزام پێش لە هاوردەکردنی ڤاکسێنی پێویست گیرا و ئەوەش هاوکات بو لەگەل نەبونی پلانی پێشگیری کردن لە بڵاوبوونەوەی زیاتری ڤایروسەکە و لە ئەنجامدا ژمارەیەکی زۆر لە خەڵک بونە قوربانی.

چالاکانی مەدەنی ڕوو لە ڕیکخراوە ناودەوڵەتیەکان دەڵێن: پێویستە هەرچە زووترە سەبارەت بە کۆنترۆڵکردنی ڤایرۆسی کۆرۆنا لە ئێرانا هەنگاوی پێویست هەڵیننەوە، دەنا مەترسی مردنی بە کۆمەڵ لە ئارادیەوە و لەوانەیە گەلانی ئێران ڕووبەڕووی کارەساتێکی گەورەی مرویی ببنەوە.

نێرگس محەمەدی، جەعفەر پەناهی، شەهناز ئەکمەلی، ئیسماعیل بەخشی، محەمەد حەبیبی، محەمد رەسوڵ ئەف، محەمەد سەیفزادە، جەعفەر عەزیمزادە، ئەکرەم نقابی و محەمەد نوریزادە ئەو نامەیانە واژۆ کردوە و بە توندی سیاسەتی ڕژیمیان سەبارەت بە کۆنترۆڵ نەکردنی پەتای کۆرۆنا ڕەخنە کردوە.

ئه‌مانه‌ش ببینه‌