کوردستان

هەپەگە: لە ئاڤاشین دوو داگیرکەر کوژران

هێزەکانی پاراستنی گەل-هەپەگە، لە ڕاگەیاندراوی ئەمرۆیدا سەبارەت بە چالاکی گەریلاکان دژی سوپای داگیرکەری تورکیا، ڕایگەیاندوە لە چوار چێوەی هەنگاوی شۆڕشگێری بازەکانی زاگرۆسدا گەریلاکان قورسیان لە داگیرکەران وەشاندووە.

بە پێی ڕاگەیاندراوەکەی هەپەگە، دوێنی گەریلاکانی یەژاستار لە خواکورک زەبریان لە سوپا داگیرکەرەکەی تورکیا داوە ،ژمارەی کوژراو و بریندارەکانی ئەو چالاکیە روونەبوەتەوە.

هاوکات لە چالاکێکی گەریلاکانی هەپەگە لە ناوچەی گرێ سووری ئاڤاشین دوو داگیرکەر کوژراون و ژمارەیەکیش بریندار بوون.

هەپەگە ڕاشیگەیاندوە؛ کە سوپای داگیرکەرەکەی تورکیا لە دژی گەریلاکان و تۆنێلەکانی شەڕ لە ناوچەی وەرخەلێ ئاڤاشین پێنج جار چەکی ژەهراویی بە کار هێناوە.

هەروەها دوێنی بە هێلیکۆپتەری و فڕۆکەی شەڕکەر ناوچەکانی ئاڤاشین، زاپ و مەتینا بۆردمان کراون.

ئه‌مانه‌ش ببینه‌