کوردستان

لە هێرشی چەتەکانی داعەش لە سنووری خانەقین پێنج کەس کوژران

بە پێ زانیارییەکانی ڕۆژنیوز، شه‌وی ڕابردوو، چه‌ته‌كانی داعش هێرشیان كردۆتە سه‌ر هێزه‌كانی سوپای عێراق له‌ نزیك پردی حه‌لوان، له‌سه‌ر ڕێگای سەرەکى خانه‌قین ـ گوڵاڵه‌ و سه‌ربازێكیان كووشتوه‌ و سێ سه‌ربازی دیكه‌یان برینداركردووه‌ و دواتر شه‌ڕه‌كه‌ كۆتایی هاتووە.

بە پێی هەواڵەکە، له‌كاتی گواستنه‌وه‌ی برینداره‌كانی سوپای عێراق، بۆ نه‌خۆشخانه‌ی گوڵاڵه‌، ئه‌مبوڵانسێك ده‌كه‌وێته‌ بۆسەى چه‌ته‌كانی داعشه‌وه‌ له‌ گوندی وادی عوسه‌ج له ‌نزیك شاره‌دێی گوڵاڵه‌ و ئه‌مبۆڵانسه‌كه‌ ده‌سوتێنن و سێ سه‌ربازه برینداره‌كه‌ ده‌كوژن.

دواتر ئەو كارمه‌ندەى ته‌ندروستی گوڵاله‌ له‌ناو ئه‌مبۆلانسه‌كه‌دا ماوەتەوە ئه‌ویش ده‌كوژن و پاشان شۆفێری ئه‌مبوڵانسه‌كه‌ به‌ برینداری هه‌ڵدێت خۆى له‌ده‌ست چه‌ته‌كانی داعش ڕزگار ده‌كات .

لە سنووری پارێزگای دیالە و کەرکوک ، ناوەناوە چەتەکانی داعەش هێرش دەکەنە سەر سوپای عێراق و هێزەکانی پێشمەرگە.

ئه‌مانه‌ش ببینه‌