کوردستان

هەپەگە: لە ئەنجامی چالاکی گەریلاکان لە ئاڤاشین ٣ داگیرکەری دیکە کوژران

ناوەندی راگەیاندن و چاپەمەنیی هێزەکانی پاراستنی گەل-هەپەگە، لە ڕاگەیاندراوی ئەمرۆیدا سەبارەت بە شەڕ لە هەرێمەکانی پاراستنی میدیا ڕایدەگەینێت؛ لە ئاڤاشین زەبری قورس لە داگیرکەران دراوە.

بە پێ ڕاگەیاندراوەکەی هەپەگە؛ دوێنی لە کاتی کوبوونەوەیکی سوپای تورکیا لە ناوچەی کیلیسەی ئاڤاشین،گەریلاکانی هەپەگە و یەژاستار شوێنی ئەو کۆبوونەوەی داگیرکەرانیان کردوەدە ئامانجی چالاکی.

لەو چالاکیەی کەریلاکاندا لانی کەم سێ داگیرکەر کوژراون و کامێرایەکی چاودێری و دووربینێکی جۆری تیلسکۆپ تێکشکێنراوە.

هاوکات گەریلاکان لە بناری چیای چارچێلا بە چەکی قورس لە سێ حەفارە و ئۆتۆمیلێکی سوپای داگیرکەری تورکیا داوە کە سەرقاڵی خوشکردنی رێگای سەربازی بوون.لەو چالاکیەشدا زەبر لەداگیرکەران دراوە و دروست کردنی ئەو جادە سەربازییە راگیراوە.

بە پێ ڕاگەیاندراوەکەی هەپەگە، رۆژەکانی ١٩ و ٢٠ مانگ ناوچەکانی وەرخەل و شاخی سوور لە ئاڤاشین بە فڕۆکەی شەڕکەر بۆردمان کراون.لەو بۆردمانانەدا هیچ زیانێک بە گەریلاکان نەگەیشتوە.

ئه‌مانه‌ش ببینه‌