کوردستان

هاوڵاتییەکی شاری مەریوان لە لایەن هێزە ئەمنییەکانەوە دەستگیر کرا

دەزگا ئەمنیەتیەکانی ڕژیمی ئێران بەردەوامن لە دەستگیر کردنی چالاکانی کۆمەڵگە و گوشار خستنە سەر خەڵک و لە شاری مەریوان کەسێكیان دەستگیر کرد

کۆمەڵەی مافی مرۆڤی کوردستان ئاشکرای کردوە کە ڕۆژی هەژدەی جۆزەردان حەسەن فەرەجی چالاکی مەدەنی لە شاری مەریوان لە لایەن هێزەکانی ڕژیمی داگیرکەرەوە دەستگیر و ڕەوانەی زیندانی ئیتلاعات کراوە.

حەسەن فەرەجی خەڵکی گوندی لەنجاوای مەریوانە، دوای چەند رۆژ لە دەستگیر کردنی بنەماڵەکەی لە هەوڵدان بزانن بۆچی زیندانی کراوە.

تا ئامادە کردنی ئەم هەواڵە ئیتلاعاتی ڕژیم هیچ جۆرە زانیاریەکی سەبارەت بە فەرەجی ئاشکرا نەکردوە و کەس نازانێ بۆ دەستگیر کراوە و لە کۆێ زیندانی کراوە.

لە بەرەبەری هەڵبژاردنی سەرۆک کۆماری لە ئێران کە زۆربەی خەڵک بڕیاری بایکۆتیان داوە هێزە ئەمنیەتی و سەرکوتگەرەکانی ڕژیم زەخت و گوشارەکانیان لەسەر کۆمەڵگە بە گشتی و چالاکانی مەدەنی زیاد کردوە.

ئه‌مانه‌ش ببینه‌