ژن

کەمپینی یەکڕیزی ژنان بانگەوازی بۆ فراوان کردنی تێکوشان دژی داگیرکاری تورکیا ئەکات

ئێوارەی دوێنی، لەبەردەم باخی گشتی شاری سلێمانی، کەمپینی یەکڕیزی ژنان دژی توندوتیژی و داگیرکاری لە کۆنگرەیەکی ڕۆژنامەوانی دا هێرش و داگیرکارییەکانی دەوڵەتی تورکیایان شەرمەزارکرد

ووتەبێژی کەمپینەکە، کەژاڵ عەبدولقادر،ڕاگەیەندراوی کەمپینەکەیانی خوێندەوە و تیدا ئاماژە بە هێرشە دڕندانەکانی تورکیا بۆ سەر هەڕێمی کوردستان کرد و وتی:چوارچێوەی داگیرکارییەکان دا تورکیا چەکی قەدەغەکراوی کیمیاویی لەهەرێمەکانی زاپ، ئاڤاشین و مەتینا بەکارهێناوە و بۆتە هۆی شەهید بونی چەندین تێکۆشەری گەلی کورد و ئازادیخوازان.

ئاماژە بەوە ش درا، وەک چۆن لە ساڵی ڕابردودا لەهەرێمی عەفرین دارزەیتونەکان بڕێندرانەوە و تاڵانکران، ئێستاش بەهەزاران دار لەباشوری کوردستان بڕدرانەوە و تاڵانکران.

لەو ڕاگەیاندراوەدا هاتبوو کە سەرچاوەی سەرەکی توندوتیژی و کۆمەڵکوژییەکان داگیرکارییەکانی دەوڵەتی تورکیایە هەربۆیە گرنگە ژنان چۆن دژی گەندەڵی،نادیموکراتی و تەواوی قەیرانەکان و توندوتیژییەکانی سەرژنان بونەوە ئاواش ڕووبەڕویی هەمووداگیرکارییەکان ببنەوە.

لەکۆتایی کۆنگرە ڕۆژنامەوانییەکد، بانگەوازی بۆ یەکڕیزی و یەکدەنگی ژنان دژی داگیرکاریی کرا.

ئه‌مانه‌ش ببینه‌