کوردستان

هەپەگە: لە سیدەکان گەریلا هێرشی نەکردووەتە سەر پێشمەرگە

هەپەگە، ڕاگەیەنراوێكی لەبارەی جموجوڵی هێزەكانی پێشمەرگە ‌و پاسەوانی سنوور لە ناوچەی سیدەكان بڵاو كردەوە.

لە ڕاگەیەنراوەكەی هەپەگەدا هاتوە: “ڕۆژی ٤ی مەی هێزەكانی پاسەوانی سنوور كە لە پێشمەرگە ‌و هێزەكانی بەناوی عێراقەوە پێكدێن، لە چەند خاڵێكی هەرێمی مەتیا جیگیر بوون، ئێمە هەوڵمان دا لە دۆخی ئەو هێزانە تێبگەین و هیچ ئاستەنگێکمان بۆ درووست نەکردن، بەڵام ئێمە بە نیگەرانییەوە لە ئامانجەکانی ئەوان دەڕوانین و چاودێرییان دەکەین.

بە پێی هەندیک میدیا، هێزەکانی ئێمە لە سیدەکان، هێرشی كردووەتە سەر هێزی پێشمەرگەی پەدەکە، بەڵام ئێمە ڕایدەگەیەنین کە هیچ هێرشێک لەلایەن ئێمەوە بۆ سەر خاڵەکانی پیشمەرگە، نەکراوە.

ئێمە وەک گەریلاکانی ئازادیی کوردستان لە دژی دەوڵەتی داگیرکەری تورکیا کە دەخوازێت کوردستان داگیر بکات، بەرخۆدانێکی مێژوویی دەکەین. ئەمە بەرخۆدانێکی نەتەوەیی و پیرۆزە ‌و چاوەڕوانیشین کە هێزی پیشمەرگە، بەشداریی ئەم بەرخۆدانە میژوویی و پیرۆزە ببن و پشتگیریی ئێمە بکەن ‌و ئەگەریش پشتگیریی ناکەن، دەبێت نەکەونە ناو دۆخیک کە لە شەڕدا ئاستەنگ بۆ گەریلا درووست بکەن.

ئه‌مانه‌ش ببینه‌